Jump to content

Senyo Gatrɔ Antɔ

Tso Wikipedia

Senyo Gatrɔ Antɔ (ƒe 1913 - 1986) nye Gana dukplɔla, dutadɔnunɔla kple nufiala vayi.[1][2]

Ðevimenɔɣi kple sukudede

[trɔ asi le eŋu | trɔ asi le etsoƒe ŋu]

Wodzi Antɔ le ƒe 1931 me le Logba le Togo nyigba me. Eƒe gɔmedzesukudedee nɔ Presbyteria Suku si le Amedzɔƒe la. Etso afima vayi de Presbyteriatɔwo ƒe Nufialawo ƒe Suku le Akropong le Gold Coast afisi wò va yi srɔ̃ nufiafia le.[3] Le eya megbe la, evayi de Presbyteriatɔwo ƒe Mawunyasrɔ̃suku si le Ho.

Dɔwɔwɔ kple Togo nyigba ta ʋeʋlẽ me

[trɔ asi le eŋu | trɔ asi le etsoƒe ŋu]

Antɔ wɔ dɔ abe nufiala ene tso 1937 vaseɖe 1949 me. Le 1949 me la, eɖo Togo Nyigbawo Katã ƒe Nyadzɔdzɔgbalẽ (Togoland United Nations Newsletter). Eyae nye agbalẽ ƒe nuŋlɔlawo nunɔla gbãtɔ. Le ƒe 1950 me la, Antɔ ye nɔ ŋgɔ na Togonyigbatɔwo ƒe amedɔdɔwo siwo de Xexemedukɔwo Katã ƒe Aɖaŋuɖoha (UNTC) ƒe takpekpe me. Ekplɔ Togonyigbatɔwo ƒe amedɔdɔwo hã yi Xexemedukɔwo Katã ƒe Takpekpe Gã me le ƒe 1951, 1952, 1954 kple 1956 me, afisi wò vayi bia bena woa na Togonyigba eveawo ƒe mama me na dzudzɔ eye woa he wo ƒoƒui bena woa ga zu dukɔ ɖekae.[4]

Dunyahehe

[trɔ asi le eŋu | trɔ asi le etsoƒe ŋu]

Antɔ ɖo Togonyigba Habɔbɔ (Togoland Congress) le ƒe 1951 me le Togonyigba si le Britania tɔwo te ƒe akpa dzi be yeaʋli eƒe ɖekawɔwɔ kple Togonyigba si le Franseawo te la ta.[5] Etsi tre ɖe Togo nyigba ƒe ɖekawɔwɔ kple Gold Coast ŋu.[6] Antɔ kui ɖe to me na Xexemedukɔwo Katã ƒe Habɔbɔ wo vevie be Britania kple Franseawo ƒe Togo nyigbawo siwo me wo ma la na gawɔ ɖekae. Peɖro Olympio si le Parti togolais du progrès me la tsitre ɖe nya siawo ŋu eye wò tsitre ɖe ɖekawɔwɔ ŋu negbe be ɖe wò le Franseawo ƒe dzikpɔkpɔ te ko hafi.[7]

Le 1957 me la, Nkrumah ƒe dziɖuɖua da asi ɖe se yeye dzi si gblɔ be se me ɖe mɔ na habɔbɔ aɖeke si dea vovototo dukɔ me nɔlawo dome la be woa ga nɔ dukɔa me o. Se sia na be Togonyigba Habɔbɔa kpakple habɔbɔwo siwo katã tsitrɛ ɖe Nkruma ƒe dziɖuɖu ŋuti la wo ƒoƒu eye wo vayi ɖo habɔbɔ yeye siwo yɔ be United Party.[8][9][1]

Gaxɔ me nɔnɔ kple aboyomenɔnɔ

[trɔ asi le eŋu | trɔ asi le etsoƒe ŋu]

Kpovitɔwo lé Antɔ, F. K. Ametɔbra, Kɔdzo Dumega, kple Alex Ɔdame le Alavanyo le ƒe 1957 me eye wo tsɔ nya ɖe wo ŋu be wo be yewo agba dua. Antɔ tsɔ nya sia yi Xexemedukɔwo Katã ƒe Habɔbɔ ƒe Ʋɔnudrɔ̃ƒe si le The Hague. Ʋɔnudrɔ̃lawo da asi ɖe eƒe nya dzi eye wo ɖe asi le eŋu eye wo ɖe mɔ ne hã bena wòa yi eƒe dɔ dzi abe Kpandu North tɔwo ƒe sewɔtakpekpe me teƒe nɔ lae. Le ƒe 1961 kple 1966 dome la, wolée de Nsawam Gaxɔwo me vaseɖe esime dziɖuɖua ge le Dzodze ƒe ŋkeke 24 1966 dzi, si ɖo Dukɔa ƒe Ablɔɖehabɔbɔ ƒe asrafowo (National Redemption Council) ƒe dziɖuɖu anyi.[10]

Dɔwɔwɔ abe dutadɔnunɔla ene

[trɔ asi le eŋu | trɔ asi le etsoƒe ŋu]

Le Afɔfiɛ 1970 me la, Kofi Busia ƒe dziɖuɖua tia Antɔ be wòa nye Ghana ƒe dudɔnunɔla le Togo. Eva nɔ Peter Kɔsi Folly teƒe. Eƒe dudɔnunɔla ƒe ɣeyiɣia wu enu esime Dukɔa ƒe Xɔnameha ƒe asrafowo (National Redemption Council) ƒe dziɖuɖu si Aʋafiagã Acheampong nɔ ŋgɔ na la mu Kofi Abrefa Busia ƒe Ŋgɔyiha ƒe dziɖuɖua le Dzove 1972 me .[11][10]

Eƒe ƒome nyaawo

[trɔ asi le eŋu | trɔ asi le etsoƒe ŋu]

Aƒetɔ Antɔ srɔ̃ ku le ƒe 1976 lɔƒo. Esia enye ƒe ene le eƒe aboyomenɔnɔ le Togo le Busia dziɖuɖua mumu megbe. Eƒe viŋutsu, Robert Kwame Antɔ ka nya ta be Asrafowo ƒe Aɖaŋudeha Kɔkɔtɔ ƒe dziɖuɖu meɖe mɔ na ƒomea be woaɖi eƒe kukua ɖe Gana o.[10]

Ku

[trɔ asi le eŋu | trɔ asi le etsoƒe ŋu]

Antɔ ɖoe be yeanɔ aboyo me le Togo tsɔ wu be yea trɔ ayi Gana le ƒe 1972 le Busia dziɖuɖua ƒe gege megbe.[10] Eku le Lomé, Togo, le ƒe 1986 me.[12] Woɖii ɖe Logba le Afadzato Anyiehe Nutome le Volta Nutome.[10]

Nyasiawo ƒe tsoƒe

[trɔ asi le eŋu | trɔ asi le etsoƒe ŋu]
  1. ↑ 1.0 1.1 Nelson Ayivor (18 May 2023). "Dr Afriyie Akoto pays tribute to S.G. Antor". Ghana News Agency. Retrieved 26 September 2024. 
  2. ↑ "Dr Afriyie Akoto eulogises late S. G. Antor". Graphic Online. Graphic Communications Group Ltd. 17 May 2023. Retrieved 26 September 2024. 
  3. ↑ Kate Skinner (2 November 2017). "1". The Fruits of Freedom in British Togoland - Literacy, Politics and Nationalism 1914 - 2014 (Reprint ed.). Cambridge University Press. ISBN 978-1107427051. 
  4. ↑ "Petition from Mr. S.G. Antor concerning Togoland under British Administration". un.org. United Nations. 18 June 1951. Retrieved 26 September 2024. 
  5. ↑ "Verandah Boys versus Reactionary Lawyers: Nationalist Activism in Ghana, 1946–1956" (PDF). 
  6. ↑ Edward Bamfo-Darko (1 October 2020). "Togoland Secessionists Are Old Political Party With Old Immaterial Agendum". modernghana.com. Retrieved 26 September 2024. 
  7. ↑ Thullen, George (1964). Problems of the Trusteeship System: A Study of Political Behavior in the United Nations. Geneva: Librairie Droz. ISBN 978-2-600-04012-9. Retrieved 26 September 2024. 
  8. ↑ Michael Sumaila Nlasia (20 July 2019). "The problems of tribalism with African democracy". Graphic Online. Graphic Communications Group Ltd. Retrieved 25 September 2024. 
  9. ↑ Adam Higazi (June 2004). "Policy Levers in Ghana" (PDF). Centre for Research on Inequality, Human Security and Ethnicity, CRISE, Queen Elizabeth House, University of Oxford. p. 5. Retrieved 25 September 2024. 
  10. ↑ 10.0 10.1 10.2 10.3 10.4 "S.G. Antor's son testifies at NRC". modernghana.com. 23 July 2003. Retrieved 26 September 2024. 
  11. ↑ Brown, David (December 1980). "Borderline Politics in Ghana: The National Liberation Movement of Western Togoland". The Journal of Modern African Studies (Cambridge University Press) 18 (4): 575–609. ISSN 0022-278X. Retrieved 25 September 2024. S. G. Antor and Dumoga, were appointed as Ambassadors to, respec- tively, Togo and Dahomey 
  12. ↑ "West Africa". West Africa (West Africa Publishing Company): 1445. July 1986. Retrieved 26 September 2024. The death has been reported in Lome, Togo, of Mr Senyo Gatror Antor, Ghana's Ambassador to Togo during the Second Republic. Mr Antor, 80, a former teacher and politician, was a lifelong advocate of Togoland unity. He led a group of people in the then British Mandated Togoland which sought the unification of the Volta Region with Togo. Their attempts led the United Nations to organise a plebiscite in the area in 1956. Mr Antor was serving as Ambassador in Togo when the regime of Prime Minister K. A. Busia was toppled 
Woɖee tso "https://ee.wikipedia.org/w/index.php?title=Senyo_Gatrɔ_Antɔ&oldid=57747"