Accra Hearts of Oak S.C.
Accra Hearts of Oak Sporting Club, si woyɔna zi geɖe be Hearts of Oak alo Hearts ko la nye kamedefefewɔha aɖe si le Accra, Ghana . [1] [2]Woɖo habɔbɔ sia le ƒe 1911 me, eye wònye bɔlƒoha xoxotɔ kekeake si gakpɔtɔ li le Ghana. Eƒe amadede siwo wozãna la nye dzĩ, ɣi kple blɔ. Hearts of Oak ʋlia ho le Ghana Premier League, si nye Ghana bɔlƒoƒo ƒe piramid ƒe akpa gãtɔ. Accra Kamedefefewɔƒea nye Accra Hearts of Oak ƒe aƒe.
Hearts ɖu dzi le Premier League me zi blaeve vɔ ɖeka, Ghana FA Cup zi wuieve, [3][4] Ghana Super Cup, zi etɔ̃ Dukplɔla ƒe Kplu, zi ade,[3] CAF Champions League zi ɖeka kple CAF Confederations Cup hã zi ɖeka. Accra Hearts of Oak hã nɔ nɔƒe enyilia le xexeame le ƒe 2000 me esime habɔbɔa ɖu Afrika ƒe kamedefefe akpa gãtɔ dzi. [3][5] Hearts of Oak gakpɔtɔ nye bɔlƒoha ɖeka kolia le Ɣetoɖoƒe Afrika si ɖu dzi le Continental Treble me; habɔbɔ 6 siwo le Afrika dometɔ ɖeka kple bɔlƒoha 21 siwo le xexeame katã siwo wɔ aʋadziɖuɖu sia dometɔ ɖeka. Le dutanyigbadziɖuɖu ƒe ɣeyiɣia me la, Hearts of Oak xɔ bɔlƒoha ƒe kplu enyi le wo katã me le Accra Football League kple Gold Coast Club Competition, siwo nye Ghana Premier League ƒe ŋgɔdonyawo. Le Accra Football League me la, Hearts of Oak xɔ Guggisberg Shield si Aƒetɔ Gordon Guggisberg, si nye Gold Coast ƒe Dziɖuɖumegã ɣemaɣi tsɔ na le ƒe 1922 me; woƒo hoʋiʋli si wowɔ na habɔbɔ siwo le Accra zi gbɔ zi 12 le ƒe 1922 kple 1954 dome; Hearts of Oak xɔ Shield zi ade, si me hoʋiʋli mamlɛtɔ si wowɔ le ƒe 1954 me hã le. [3][4][5][2]
- ↑ https://www.heartsofoaksc.com/
- ↑ 2.0 2.1 https://www.ghanaweb.com/person/Accra-Hearts-of-Oak-3589
- ↑ 3.0 3.1 3.2 3.3 https://www.transfermarkt.com/hearts-of-oak/erfolge/verein/3601
- ↑ 4.0 4.1 https://www.ghanafa.org/football-club/hearts-of-oak#:~:text=PREMIER%20LEAGUE%20CUPS%20(20%20titles,%E2%80%9396%2C%201999%2C%202000.
- ↑ 5.0 5.1 https://www.aiscore.com/team-accra-hearts-of-oak/edq09immpvc4qxg/trophies